POP 5

Lajmet më të lexuara të 5 minutave të fundit

Ekonomi

Lajme nga emisionet

Ujësjellësit me PPP, ekspertët: E pastudiuar, rrit kostot për qytetarët! Çoçoli: Reforma e domosdoshme, ndërmarrja e falimentuar nga humbjet dhe borxhet

Kriza financiare dhe zhytja në borxhe që ka përfshirë ujësjellës-kanalizimet, mund të zgjidhet duke i dhënë ato me koncesion. Në një projektligj të hedhur për konsultim publik nga Ministra e Infrastrukturës, alternativa kryesore për të rritur performancën e sektorit dhe shërbimin ndaj qytetarëve, është dhënia e tyre me koncesion

Kriza financiare dhe zhytja në borxhe që ka përfshirë ujësjellës-kanalizimet, mund të zgjidhet duke i dhënë ato me koncesion. Në një projektligj të hedhur për konsultim publik nga Ministra e Infrastrukturës, alternativa kryesore për të rritur performancën e sektorit dhe shërbimin ndaj qytetarëve, është dhënia e tyre me koncesion.

Në emisionin ‘Studio Live’ në Report Tv me gazetarin Arbër Hitaj, eksperti Eduard Elezi thotë se duhen parë ku kanë shkuar investimet në ujësjellës, e sipas tij ky koncesion mund të rrisë koston për qytetarët.

‘Duhet performancë për të analizuar humbjet, siç u bë me energjinë. Ujësjellësi i Durrësit e merr ujin në Milot dhe deri kur shkon në Durrës, në Fushë Kuqe vadisin arat. Duhet parë ku kanë shkuar investimet në ujësjellës. Këta nuk e kanë idenë si jepet me koncesion. Do merren 75 mln euro borxh kredi për qoka, rrit koston për qytetarët.’- tha Elezi.

Por për ekspertin e ekonomisë, Fatos Çoçoli, reforma është e domosdoshme, pasi ndihmon ndërmarrjet e Ujësjellës-kanalizimeve që të menaxhohen më mirë.

‘Koncesioni është një variant nga tre. Reforma në ujësjellës e domosdoshme, ndërmarrja ka falimentuar. Zgjidhje nuk është vetëm koncesioni. Ky projektligj e ka emrin për trajtimin e ujësjellësve dhe strukturave që trajtojnë ujërat e ndotura urbane. Ka tre zgjidhje, kontrata e performancës, ministria me 51% të aksioneve si pronare i kërkon bashkisë kur nënshkruan kontratën, nëse nuk ke ulur me 20% humbjet, nuk ta rinovoj licencën. Projektligji ndihmon ndërmarrjet UK te menaxhohen më mirë.’- tha Çoçoli.

Sipas eksperti të ekonomisë Çoçoli ndërmarrjet Ujësjellës-kanalizime kanë tre opsione:

'1. Të respektojnë kontratën e performancës me Ministrinë e Infrastrukturës dhe Energjisë

2. Të shikohet mundësia e dhënies me koncesion, nëse një studim leverdishmërie i rekomandon për këtë formë menaxhimi

3. Të merren nën kujdestari nga operatori i alternativës së fundit, kur treguesit e performancës i kanë të pashpresë'- tha Çoçoli.

Nga ana tjetër inxhinieri Azmer Duleviç, nënvizoi se koncesioni i ujësjellësit mund të dështojë dhe se duhet të ketë një studim të mirëfilltë, ndërsa shtoi se nuk duhet rritur kostoja e çmimit për qytetarët.

‘Koncesioni i ujësjellësit mund të shkojë në dështim, duhet studim. Ujësjellësit kanë miliona lekë borxhe ndaj OSHEE. Kompanitë e ujësjellësve janë me borxhe të akumuluara. Ujësjellësit nuk paguajnë faturat e borxheve. Nuk duhet të rritet kostoja e çmimit të ujit për qytetarët. Nëse ndodh e kundërta është dështimi i radhës spektakolar i ujësjellësve.’- tha Duleviç.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tirona: 16/11/2023 07:54

    Si ka munsi UKT në kte gjendje?? Ju keni punsu "specialistet" më të mira . Zajmina Vasjari ,Bieta Sulo etj etj etj...

    Përgjigju
  • Or tej: 15/11/2023 23:08

    Perderisa punonjesit e UKD mbushin xhepat dhe i lejojne akoma familjaret apo bizneset qe te lidhen pa sahat ne falimentim gjithmone do jete or teeeejjjjj

    Përgjigju
  • Ujti: 15/11/2023 18:43

    Po militantet ku do i punesoni Nuk eshte faji i nderrmarrjeve por faji i drejtuesve qe i katandisen ujesjellsat ne vende punesimi per militantet Nuk doni specialist por militant qe iu japin vota.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Serie A/ Formacionet e Juventus - Milan! Leçe barazon 1-1 ndaj Monzës, Lazio në mbrëmje

Serie A/ Formacionet e Juventus - Milan! Leçe barazon 1-1 ndaj Monzës, Lazio në mbrëmje

27 Prill, 17:25